Ka Dorbar Shnong Khimusniang (DSK) Jowai mynta ka lah sngi U Blei 11.11.2024 kala sam ïa ki khusnam pynkhalai nusip ‘Lucky Draw Fiesta-2024’ sha ki nongjop, ha ka jingïalang bala pynlong ha Indoor Sports Halls jong ka shnong.
Ha kane ka sngi la wan ban donlang naduh u Waheh Shnong ma A. Lamare, U Assistant Waheh Shnong ma J.M. Pohsngap, ki nongkitkam shnong, ki dkhot seng Samla nalor ka jingdon lang jong ki nongjop kiba la wan shim ïa ki khusnam da ka song pisa.
Ïa ka khusnam ba nyngkong kaba T.1,10,000/- (Shilak Shiphew Hajar) tyngka la ïoh da ka Aronica Pasleiñ na Khimusniang, ba ar T.1,05,000/- (Shilak San Hajar) tyngka la ïoh da ka Star Cement Ltd (ym pat wan shim), ba lai T.1,03,000/- (Shilak Lai Hajar) tyngka la ïoh da u Jim Sumer na Mookyrdup, ba saw T.1,01,000/- (Shilak Shi Hajar) tyngka la ïoh da u Lutmon Bareh na Khimusniang.
Na ka bynta ki 5 tylli ki Consolation kaba mar T.10,000/- (Shiphew hajar) tyngka la ïoh da u R. Hussein na Mihmyntdu, u Ferdinand Rymbai na Moodymmai, u Poi Pohshna na Mission Compound lem bad ki ar ngut kiba dang sah.
La pynlong ïa kane ka Lucky Draw Fiesta-2024 ka long shi bynta ban pynmih pisa ha ka ban pynbha pynmiat ïa ki jingdonkam jong ka Indoor Sports Halls, ka Community Hall nalor kiwei de ki jingdonkam jong ka shnong.
