Sam ka DS Panaliar ia ki Prize Lucky Draw, rah u ma Puramon ia ka 1st Prize

Mynta ka 27 tarik Nohprah 2024 ka Dorbar Shnong Panaliar ka ioh ban sam ia ki khusnam jingjop ia ki Ticket Lucky Draw jong ka Fete shnong kaba la tip ruh kum ka Jowai Winter Carnival, kaba la pynlong ha kane ka 14 tarik u Nohprah 2024, ha Madan ialehkai jong ka shnong Panaliar.

Ha shwa ban sam ia ki Prize ka la don ka jingialang kaba lyngkot kaba la pyniaid da u ma Arwotki Sumer uba dei u Asstt. Waheh Chnong. La ioh ia ka jingkren na u Waheh Shnong ma Riquoma Rq. Laloo uba la pynpaw ka jingsngewnguh ia baroh kiba la la wan ban iashim bynta ha ka Jowai Winter Carnival, kaba dei ka Annual Fete jong ka shnong Panaliar bad ula khot ruh ban iadon bynta lem shuh shuh bad ka shnong ha ki snem ban sa wan, namar u ong “ka shnong Panaliar kam don kino kino ki lad pynmih pisa lait da kaba pynlong ia ka Fete Shnong”. Ula ai khublei kyrpang ruh ia baroh ki nongjop ha kane ka jingkhalai nusid ka shnong.

La ioh ruh ka jingkren na u ma Kyllimut Lhuid.

Ia ka khusnam ba nyngkong (1^st Prize) kaba dei da ka song pisa kaba T.7,00,000/- (Hynñiew Lak tyngka), la aiti da u ma Riquoma Rq. Laloo WS sha u ma Puramon Kynjing (Daloi ka Elaka Jowai) uba la pom ia kane ka khusnam.

Ka 2^nd Prize kaba dei ka Scooty ka leit sha u Saiñ Laloo, kaba 3^rd Prize ruh da ka Scooty ka leit sha u Ohiwan Lamar. Ka 1^st Consolation ka leit sha u Rudy Polson Dkhar, ka 3^rd Consolation ka leit sha ka Iohbor Sumer, ka 4^th Consolation ka leit sha u Waibhah Najiar bad ka 5^th Consolation ka leit sha u Pyrkhat Phawa.