Ka Seng ki Samla Pule napoh Ri Jaiñtia ka Jaiñtia Students’ Movements (JSM) Central Body, mynta ka sngi 07/09/24 lyngba ka Education Cell kala ïoh ban sam khusnam sha ki 29 ngut ki samla pule kiba pass bha haki Exam bapher bapher naduh kiba Pass ïaka SSLC, HSSLC bad kumjuh ïaki Bachelor Degree, jong u snem 2024 kiba la kynjoh shaka 80% shajrong.
Ha kane ka Program la ïadon lang naduh ki Nongialam Central Body jong ka JSM CEC, kumjuh lawan sakhi da i DSO Jowai kum i kongsan ha ryngkat ki riew pawkhmat ka thaiñ, kumjuh ki Nongialam jong ki seng bapher bapher, la iadon lang ki longkmie longKpa jong kine ki khynnah kiba pass bha hakane exam,
Ïakane ka Program la pynïaid da i Secretary JSM Eastern Region I bah Arwankijuh Dkhar, la ioh ki kyntien Pdiang Burom na i Education Secretary Central Body, bad la maitphang bad ki kyntien kyntu kynpham iaki Samla pule na i President Central Body JSM Rangbah Leningstar Rymbai.
Loh ki jingkren naki ba bun ki Nongialam kumjuh ki kyntien sneng na i Kongsan i DSO Jowai, kumjuh naki ba shah khot sngewbha sha kane ka Program.
Ka jingthmu jong ka JSM ban ai iaki khusnam kalong shi bynta ban ai mynsiem iaki Samla ba kin nangialeh bha haki kyrdan pule bapher bapher jong ki.
Ka Khubor naka JSM shaki Samla Pule kadei ba kum ki khynnah pule kim dei ban pyndonkam bakla iaki lad pathai khubor, kumjuh ruh kim dei ban shahrem haka thma pyrkhat ba ka jingduk jing kyrduh kim lah ban khanglad iaka mon jong u Kynrad.
Ka JSM kadon ka jingkyrmen ba bha, ba lyngba jong ki samla pule kinlah ban saiñdur iaka lawei ka Ri, kum ki paia baskem jong ka Bri u HynniewTrep Hynniewskum.