Ka Khasi Student Union (KSU) Thangrain Unit mynta ka sngi kala ïoh ban sam ïa ka khusnam kaba la tip kum ka ‘2nd Mait Shaphrang Academy Award 2022’ sha ki 7 ngut ki samla pule jong ka shnong kiba la wan shakhmat ha ki exam jong ka kyrdan SSLC, ka HSSLC, NIOS, DEGREE, Master bad Phd.
Ha kane ka juh ka sngi na ka liang ka seng kala ïoh ban leit ai jingïarap ïa ki khunswet bad kiba don jingduna ha ki dkhot met hapoh ka shnong, kiba don baroh 40 ngut.
Ha kane ka sngi la wan ban ïadonlang da ki dkhot jong ka KSU West Jaiñtia Hills District ha ryngkat ki Dkhot jong ka Shiliang Myntang Circle, u Waheh Shnong, ki dkhot ka shnong, ki Nonghikai bad ki khynnah skul.
