Kan long ka jingsahkhana ia ki nongshong Shnong ka thaiñ ka West Garo Hills ha kaba u Myntri Rangbah ka Jylla u Conrad K Sangma ula ioh ban pynphai ia ka Land Ownership Right sha ki longïing Riewlum jong ki nongshong Shnong ka Reserve Gittim ha West Garo Hills.
Ha kaba iadei bad kane ka jinglehkmen la pynlong ia ka jingialang kaba la pynlong da ki nongshong Shnong, ha kaba u Myntri Rangbah u la ioh ban sam ia ki Pata (Land Patt) sha ki 100 tylli ki longïing kiba dei hok ban ïoh, ha ka jingiadon ryngkat u Swapnil Tembe, DC, West Garo Hills, ka Rikse R Marak, CEO, Tura Development Board bad kiwei de ki riew pawkhmat ka thaiñ.
