Ki bor pyniaid District ka, East Jaintia Hills District ha ryngkat ka jingiatreilang bad ka ophis District Mission Coordinator, SSA, East Jaintia Hills District, mynta ka sngi kila pynlong ia ka jingsam ia ki tiar jingdonkam ha ki skul sha ki 413 ngut ki kynnah pule bad sha ki 28 tylli ki Center jong ki Non-Resident Special Training Centers (NRSTCs) ia kiba la synniang da ka District Mineral Foundation Trust (DMFT).
Ha kane ka jingialang la wan ban iashim bynta lang da u Deputy Commissioner ka East Jaintia Hills u A. Baranwal, IAS, u J.Shylla Addl. Deputy Commissioner, East Jaintia Hills District, Khliehriat, kong T. Challam, Block Mission Coordinator (BMC) ma O Sumer, Saipung, Khliehriat, ma S. Laloo, District Mission Coordinator (DMC), East Jaintia Hills District, Khliehriat, ma L. Pohti, Project Manager DMF Trust, ki nongtrei jong ka Sarva Shiksha Abhiyan (SSA), Teachers bad ki khynnah skul jong ki NRSTCs.
Ki tiar kiba la sam sha ki khynnah ha kane ka sngi ki kynthup ia ki kopi, ki let, ki lobar, ki khulom, ki shatri, ki pla kot, ki torch light, ki let rong, ki map, ki chart, ki First Aid Box, ki Almari, ki Green Board, ki Bol bad uniform ialehkai phutbol bad kiwei kiwei de.
