Ki khynnah pule ka Sohmynting Secondary School mynta ka sngi (16 tarik November 2021) ki la ioh jingiarap da tiar kum ki jainkup thiah bad ki Personal Hygiene Kits na ka Indian Red Cross Society, West Jaintia Hills.
Ha shwa ban sam ia kine ki tiar, la don ka jingialang ba lyngkot ha kaba la ioh ia ka jingkren pdiang burom na u Headmaster ka skul ma B.Suting bad laioh ruh ka jingkren jingbatai shaphang ka Indian Red Cross na ka Chwadaka Laloo, Life Member ka seng bad ruh kyrpang na u ma Ohiwot Laloo, Secretary IRCS West Jaintia Hills District.
Kum ban pynkynmaw ia kane ka prokram ki bor pyniaid ka Indian Red Cross Society hapoh ka District ki la dep ban pynlong kum ha Shnong Myrjai, Mookyndur bad kane ka jingsam tiar sha ki khynnah skul kan dang iaibteng ha kiwei de ki Shnong kiba la dep jied da ki bor pyniaid ka Indian Red Cross Society.
