Mynta ka sngi (20 tarik Naiwieng 2021) ki khynnah pule ka Shilliangmyntang Secondary School, Laskein Block, ki la ioh jingiarap da ki tiar na ka Indian Red Cross Society, West Jaintia Hills Unit bad ha ka jingialang jong ka jingsam ia kine ki tiar lawan ban iadonlang ruh da ki dkhot ka School Managing Committee ba kynthup ia u Dr. H. Talang bad u Pynhunjai Talang.
U Hanpaia Nongpluh, Life Member IRCS kum u shongknor jong kane ka jingialang u la ai ki kyntien lamphang ha ka jingiadei bad ka thong jong kane ka prokram “Distribution of Humanitarian Aid”.
Kiwei de kiba la kren ha kane ka jingialang ki long ka Arki Lamare, Head Teacher Shilliangmyntang Secondary School. Ka jingkren jingbatai kyrpang shaphang ka Indian Red Cross Society na u Ohiwot Laloo, Secretary IRCS, West Jaintia Hills Unit.
Ki dkhot ka School Managing Committee Shilliangmyntang Secondary School kila pynpaw ka jingsngewnguh ia ki bor pyniaid ka Indian Red Cross Society, West Jaintia Hills Unit halor kane ka jingiarap kaba kila noh synniang sha ka Skul bad ki la kitbok ruh ba ka seng kan nangiaid shaphrang ha ka jingshakri ia ka imlang sahlang jong ki nongshongshnong hapoh ka District.
