Ka seng Jaiñtia Student Union (JSU) mynhynnin ka sngi ka ka ioh ban sam da ki Tin Bret ñiut ha ka shnong Nartiang bad kane ka long kum shibynta ban pynsngewthuh paidbah halor ka khuid ka suba.
Ia ka program la pyniaid da u Chief Organising Secretary u samla S. Phalyngki la ioh ruh ia ki kyntien pdiang da u President ka Circle N. Mukhim bad ruh la ioh ia ki jingkren na ki San tylli ki dong ki ba don ha poh ka shnong Nartiang.
La ioh ia ki jingkren shuh shuh na u samla Jersom Shylla uba long u President Rangbah ka seng kmie kum u Kongsan ha kata ka sngi bad u Secretary ka shnong Nartiang u S. Swer kum u Symbud Kongsan
u President ka seng u la ban jur haka ba iadei ka khuid ka suba ha ka Shong ka thaw bad u la ong ruh ba ngi dei ban ia treilang ha baroh ki liang naduh sor haduh nongkyndong haka ba iadei ban wad ia ki lad ki lynti na ka bynta ka jingkynduh mawsiang ka Nongbah Jowai bad ka jaka bret niut.
Ha kawei ka liang u President u la kyntu ia ka Shnong Nartiang ba kan pdiang ia kine ki jingai barit bad u ngeitskhem ruh ba ka seng ka dang lah ban leh shibun ki kam kiba bha ha kiwei pat ki bynta nangne sha khmat.
U President Rangbah ka seng u la kren ruh ha kaba iadei shibun ki issues ki ba iadei ha ka jingnang jingstad, ka koit ka khiah kiba ka thain ka dang sahdien. Ka la dei ruh ka por ba ki Shnong ki jaka baroh kiba don ha ka bri u Hynniew Trep kin Sngewthuh shai kdar ia ka ILP ne Inner Line Permit kaba long ka iktiar kaban iada ia ka ri ka muluk jong ngi bad ban kyrshan radbah ia ngi kii Sengbhalang ha kaba iadei bad kane ka issue ba hakhmat eh ka jaidbriew lym kumta shisien ka sngi ngin sa shah tlep ha ki nongwei pynkut ki jingkren na u President ka seng.
Ia ki kyntien pynwai la kreh da i Secretary Nartiang Circle u samla A. Sumer.