Kan long ka sien kaba nyngkong ia ka kynhun jong ki nongthaw bad nongpynmih phlim ka Jylla ia kaba la tip kum Meghalaya Filmmakers’ Association (MeFilma) kan ioh ban pynlong ia ka rynsan pyni phlim ne ka International Film Festival ka ban sa pynlong 5 sngi lynter ha nongbah Shillong.
Ia kane ka tamasa bei jingiarap bad kyrshan da u nongseng bad President jong kane ka kynhun u bah Commander Shangpliang ryngkat bad ka Meghalaya Tourism ka kynhun bala register hapoh ka Society Registration Act 1860.
Ha kane ka Festival yn screen haduh 65 tylli ki phlim bad ki Documentary ka ban sdang naduh ka 14 tarik mynta u bnai ha Soso Tham Auditorium bad yn pynkut ia kane ka tamasa haduh ka 18 tarik mynta hi u bnai ha kane ka juh ka jaka.
U Myntri jong ka tnat Tourism and Art & Culture u bah Paul Lyngdoh un wan ban ot ribbon ia kane ka 1st Meghalaya International Film Festival. U Adil Hussain uwei na ki rangbah ba paw ha ki kam shna phlim u long u Special Guest. La khmih lynti ba ki don haduh 5000 ngut ki nongwan peit phliem na kylleng ki bynta jong ka pyrthei kumjuh napoh ka ri kin poi sha kane ka Festival