Mynta ka Sngi ka 27/02/2024 ka Jaiñtia National Council (JNC) – Western Zone hapoh ka jingialam u President bah Leo Ferdinand Dhar bad u General Secretary bah Heibormi Lyngdoh ka la leit jurip iaka jaka ban shna iaka Mini Secretariat ha Jowai bad ha kane ka jingleit jurip lah shem ba la sdang ban shna noh iaka Mini Secretariat.
Kumban shu pynkynmaw ba ha u bnai September 2023 ka seng kala dep ban iakynduh markhmat bad u Dy. CM Sniawbhalang Dhar ban dawa shna noh iaka Mini Secretariat.
Ka seng ka ai khublei iaka Sorkar baka la shimkhia halor kane ka kam kaba long ruh ka shlem ai jingshakri kaba jan naka bynta ki nong Jaiñtia bad la kyrpad ruh iaka Sorkar ba ym dei ban ieh ka jingshna tang ha shiteng lynti hynrei dei ban pyndep kumba la angnud da ki Paidbah. Bad ka seng ka kyntu ruh iaka sorkar ba kumba la thmu ban shna ha Tura kumba la ong u Chief Minister ban wanrah kita ki large investment bad bun ki administrative reforms kumta thik dei ruh ban wanrah ha Jowai khnang ba kan nym long ka jingtheh shiliang haka liang ka roi ka par.
Ka seng kala ban jur ruh ba dei ban sdang noh iaka jingshna pyndep iaka Iawmusiang building complex namar ba wat iaka revised estimate ruh la dep ban pynkhreh, namar kadei ruh ka iew bala shaniah bad ba bsa ruh iaki spah ngut ki nongdie haduh 600 tam bad kan wanrah hi ruh ia ka jingmyntoi naka bynta ki paidbah.
Khatduh ka seng ka kyntu ruh iaka sorkar ba dei ban revised ne phah da kawei ka resolution haka jingiadei bad ka smart town ha Jowai namar ka jingioh ka long kaba theh shiliang haba nujor bad ka Tura, bad la kyrpad ruh iaki nongmihkhmat ka Jaiñtia khamtam u local MLA ka Jowai u Wailadmiki Shylla ba u dei ban shimkhia halor kane ka bynta.
