Ka Elaka Nongjngi ha kane ka sngi saitjaiñ kala sdang ïaka 1st Elaka Nongjngi Knockout Football Tournament, 2024 ha madan Khliehshnong Nongjngi West Jaiñtia Hills District.
Ïa kane ka Tournament la pynïaid daka Elaka Nongjngi bad ki kynhun (teams) lane ki shnong kiba lah ban ïashim bynta ki long tang ki khun jong ka Elaka Nongjngi bad la shah ban wanrah players tang 4 ngut nabar ka Elaka.
La pyntip ba ka khusnam ki long kumne ïa ka kynhun ba wan nyngkong ka ïoh rah Rs. 1,00,000 tyngka katba ka kynhun ba wan ba ar ka ïoh Rs. 50,000 tyngka.
Ha kane ka sngi sdang (Opening Ceremony) ki kynhun kiba la wan ban aireng nyngkong ki long ka Namdong-B pyrshah ïaka Nongjngi Khliehshnong, ka jingïalehkai kala long kaba itynnad haduh ba kut ka por jingïakhun kila ïoh ban thep mar ar (2) kol. Kumta la hap pynlong noh da ka jingïashut Tie Breaker ha kaba ka Namdong-B FC kala jop da 4-3 kol ïaka Nongjngi Khliehshnong.
Ïa kane ka 1st Elaka Nongjngi Knockout Football Tournament la wan ban plie pyrda ïaka da u Dapoiwanmi Laloo President Rangbah ka MPUF Central Body, haka jingdonlang u ma Chalbester Myria General Secretary MPUF Nartiang Unit ryngkat ki Waheh Shnong, u Daloi ka Ekala Nongjngi, ki riew Rangbah bad ki longkmie ki longkpa jong ka Elaka.
