Mynta ka sngi ka JSU Shangpung Unit kala ioh ban sdang ia ka 1st football Knockout Tournament 2022 kum ka dak jong ka jingrakhe ia ka jingdap 50 snem jong ka seng bad ban kyntiew ia ka sports ha poh ri lum Jaintia. Shwa ba sdang ia ka jingialehkai ka la don ka jingialang kaba lyngkot kaba la pyniaid da u samla Bantei Sungoh, u Environment Secretary ka seng bad kiba ai jingkren ki kynthup ia u kongsan ha kane ka sngi u dei u samla Dapmain Suchiang uba long u President ka JSU Laskein Block circle. U symbud kongsan u samla Franky Shylla u General Secretary ka Laskein block Circle. Ia ki kyntien sneng la ai da u samla Chibaitmi Langstang u nongialehkai martial Art ba long ruh kum u Secretary & Coach ka West Jaintia Hills District Taekwondo Association, ha ka jingiadon lang ki members ka shangpung unit.
Ka jingialehkai ha kane ka sngi sdang ka long hapdeng ka Kyllain B FC bad ka SL FC, ha kaba ka jingiakhun kala kut da ka jingiakhait mar 1-1 kol. Hadien kane la pynlong da ka jingiashut Tie breaker bad ha kane ka kynti ka Kyllain B fC kala lah ban pynliem ia ka SL FC da ka 9-8 kol. Ia kitei ki kol la ioh ban thep da u Kenny Langbang na ka SL FC bad u Salonbhami Suchiang na ka Khyllain B FC
Na ka liang ki nongpyniaid jong ka Tournament ki dang ai lad ia kino kino ki kynhun (Team) kiba kwah ban rung ha kane ka Tournament.
Ka 1st price ka kong T. 50,000/-, ka 2nd price T. 30,000/-. Ka bai rung ka long T.3000/- shi team. Ia ki jingtip ba kham bniah lah ban phone ha kine ki number : 7630019645 bad 9087626783