Ka AROH Foundation ka la sdang ia ka projek pynroi nongkyndong ba pura kaba long shibynta na ka ‘HDFC Parivartan CSR initiative’ hapoh Thadlaskeiñ C&RD Block, ha West Jaiñtia Hills.
Ha kaba iadei bad kane na ka liang ki dkhot jong ka AROH Foundation dang shen ki la leit jngoh ïa ki 15 tylli ki shnong kiba don hapoh ka Thadlaskeiñ C&RD Block.
Ka jingthmu jong ka jingleit jngoh jong ki ka long ban iakynduh ia ki nongshong shnong bad ban iakren halor ka jingthaw ia ki komiti pynroi. Kine ki komiti kin iatrei lang bad ka AROH Foundation ban kyntiew ia ki jingthmu bapher bapher kiba iadei bad ka jingtbit, ka jingpyniaid ia ki marpoh khyndew, ka jingpynroi ia ka ioh ka kot, ka pule puthi, bad ka koit ka khiah ha kine ki lai snem ban wan.
