-Jop san tylli ki skul mynta ka sngi-
Ka ophis jong u District Sports Officer (DSO), West Jaiñtia Hills District, Jowai mynta ka sngi 10 tarik u Jylliew kala sdang ïa ka jingïalehkai phutbol ki khynnah skul kaba la tip kum ka ‘District Level Inter School Subroto Mukherjee Cup Football Tournament 2024’ ha madan Kiang Nangbah Stadium, Jowai.
Haba phai sha ka jingïakhun ba nyngkong mynta ka sngi ka kyrdan Under-17 (boys) ka Mihmyntdu Sec. School kala lah ban pynliem da 3-0 kol ïa ka Jaiñtia H/S School, ka On and On English School, Ummulong kala pynliem da 7-0 kol ïa ka Che’s Star H/S School.
Ka Laishnong H/S School, Nongbareh kala lah ban pynliem da ka jingïashut Tie Breaker da 5-4 kol ïa ka Marian Hill H/S School. Ka St. Dominic H/S School kala pynliem da 7-1 kol ïa ka Govt. Senior Basic RMSA School, Mynso.
Katba ka Seiñraij H/S School kala pynliem da 2-1 kol ïa ka Khasi Pnar Sec School Dawki, Bakur.
