Ka ophis jong ka District Sports Officer (DSO), East Jaiñtia Hills District Khliehriat hynnin ka sngi 25 tarik kala sdang ïa ka District Level Inter School Athletic Meet 2024, ïa kaba yn sa pynkut ha ka 27 tarik u Ïaïong, 2024 ha madan Teilang playground Dkhiah EJHD.
Ïa kane ka Inter School Athletic la wan ban plie pyrda da ka kongsan kaba dei ruh ka Add. Deputy Commissioner (MCS) Khliehriat ka kong Jacqueline Una Kharpuri, ha ka jingdonlang ki nongkitkam ka DSO Khliehriat, ki nonghikai bad ki khynnah skul.
Haba phai sha ka jingïakhun ka kyrdan U-18 Girls 800 meter Final la wan ba nyngkong da ka Durka Sana na ka San Shnong Secondary School, ba ar ka Younity Rasmut na ka Sham Sham S/S bad balai ka Hika Dkhar na ka Sham Sham S/S.
Ha ka kyrdan U-16 Boys 800 meter Final la wan ba nyngkong da u Wanchan Ryngkhlem na ka Wapung Higher Secondary School, ba ar u Fullninstar Dkhar naka Khliehriat H/S School bad ba lai da u Bhalang Rymbai na ka San Shnong Secondary School.
Ha ka kyrdan U-14 Boys 600 meter Final la wan ba nyngkong Freely Dkhar na ka Nongsyntoin UP School, ba ar Hiporkani Sutnga na ka Tluh Secondary School bad balai Susanika Pala naka Sacred Heart Lamyrsiang.
Ha ka kyrdan U-18 Girls Shot Put la wan ba nyngkong da ka Kheinkorlang Rymbai na ka Rymbai Govt. Secondary School, ba ar ka Banisha Nongtdu na ka Byndihati Secondary School bad ba lai ka Samery Dkhar na ka Sham Sham Secondary School.
