Ka State office jong ka Khadi and Village Industries Commission (KVIC), Shillong kala plie sdang ia ka jingai jinghikai kaba 10 sngi lynter halor ka jingpynmih ia ki mar bam bapher bapher na ki jait soh bad ki jhur ba bun jait kaba la tip kum ka “Skill development training programme for fruit and vegetable processing under Agro-Based Food Processing Industry verticals of Gramodyog Vikas Yojana (GVY)”.
Ia kane ka prokram la pynlong ha Mairang Mission jong ka Eastern West Khasi Hills bad kane ka dei ka sien kaba nyngkong na ka bynta ki 20 ngut ki nongshah hikai.
Ha kane ka sngi plie sdang ia kane ka prokram la wan ban iadon lang u State Director ka KVIC, Shillong, ki nongtrei na ka Meghalaya State Rural Livelihood Society (MSRLS), ki dkhot ka Dorbar Shnong bad u Secretary jong ka Mairang Mission.
Ia kane ka jingai jinghikai ba 10 sngi yn pyniaid da ka Master Trainer kaba dei ruh ka trai jong ka M/s Delicacies ka Kong Silda Thabah. Yn pynkut ia kane ka prokam ha ka 7 tarik u Naitung, 2023.
