Ka seng KSU Narpuh Circle bad ki Waheh Shnong Narpuh Elaka, mynta ka sngi ki la sdang ka jingïakhih pyrshah ïa ka NHAI bad bor District EJHD da kaba pynsangeh trei kam ïa ka Toll Gate ha Lumshong naduh ka por 7 baje mynstep bad khang ïa ka jingïaid ki kali motor naduh ka por 10 baje, haduh ba thoh ïa kane ka khubor ki kali naduh ki barit bad heh kila sah kut na baroh ar lang.
mynta ka sngi kitei ki dkhot ka KSU, ki nongïalam shnong ka Narpuh Elaka ha ryngkat ki longkmie kim ban se shuh ban leit khang ïa katei ka Toll Gate ha ryngkat ki jingthoh ban dawa ïa ka sorkar ban shim khia na ka bynta ban pynbha noh ïa une u surok NH-6.
Kane ka jingïakhih kala mih namar ka jingbym sngap jong ka NHAI bad ka sorkar ïa ka jingdawa ban pynbha ïa u surok NH-6 uba la julor shaba palat mynta bad kane ka la buh jingeh ïa ka ïaid ka ïeng ki nongleit nongwan, la ïathuh lyngba une u surok lah ruh ban pynïasoh ïa ki jylla jong ka thaiñ North East baroh kawei.
