Ka jingiakhun District Level Inter School Subruto Cup football Tournament 2022 bala pyniaid da ka ophis District Sports Officer, East Jaintia Hills kala sdang mynta ka sngi (21.06.2022). Ha kane ka kynti kila don 27 tylli ki skul kiba la wan ban iashim bynta ha kane ka lympung.
Ia kane la lympung yn pyniakhun ha ki ar tylli ki madan ialehkai kawei kaba don ha Wapung Skur bad kawei pat ha Dkhiah West. Ka jingialehkai ka kynthup ia ki U-14 boys, U-17 boys bad ka U-17 girls.
Ha ka jingiakhun U-14 kaba la long mynta ka sngi ka Khliehriat HSS kala pynliem ia ka Khliehriat Presbyterian da 3-2 kol lyngba ka Tie Breaker.
Ha ka jingiakhun U-17 ki kynthei ka Lotus SS kala pynliem ia ka Morning Glory SS da 1-0 kol. Katba ha ka jingiakhun U-17 ki khynnah shynrang ka Rymbai Presbyterian SS kala pynliem ia ka Dkhiah East SS da 1-0 kol.