Hadien bala dep ka Scrutiny ia baroh ki candidates hynnin ka sngi 3 tarik ki ban sa aireng ha ha kane ka election MDC JHADC, mynta ka la sdang sa ka jingialap Election paidbah ki kyrtong.
La sakhi ia ka jingialang ialap election (campaign) ka ba nyngkong ha 15- Raliang constituency jong u candidate ka National People’s Party u bah Bison Roy lano ha ka jingiadonlang u myntri ka tnad water Resources u ma Commingone Ymbon lem bad u State Working President jong ka Party u ma Octomewot Lamin u Organising Secretary u ma Elad Suting, Publicity Secretary u ma Lari Patwet, lem bad ki riew rangbah jong ka shnong Raliang.
Ha kane ka sngi la sakhi ruh ia ki 11 ngut ki khon samla shynrang bad kynthei kiba la shah pynkup burom ha u myntri.
Ha ka jingialang u ma Bison Roy kum u candidate ka NPP u la kyrpad ia ki nongshong shnong ba kin ai ka jing kyrshan ba pura ia u khnang ba yn poi sha ka thong, bad ban trei shuh shuh ia ki kam ba bha ha kane ka constituency.
U ma Commingone Ymbon kum u MLA ka thiañ u la pynsgewthuh ia ki paidbah ba kim dei ban don ia ka jingiabishni lane adnud na kawei ka party sha kawei ka party hynrei ki paidbah kidei ban ieng skhem ha la ka jong ka nongrim.
