Ka Meghalaya State Government Employees Federation, Jowai, Jaintia Unit, kala ioh ban sdang iaka jingiakhun 10th U Kiang Nangbah inter office Badminton Tournament 2023, kaba la sdang naduh mynta ka sngi ka 25 tarik u Iaiong bad kan kut haduh ka 28 tarik u Iaiong 2023 ha indoor hall ka Seiñ Raij Jowai kaba don ha Tpep-pale (Madan Ryngkaw) Jowai bad ha kane ka Tournament kin don ar tylli ki kyrdan ialehkai, ka Men Single bad ka Men Doubles.
Ha ka jingialehkai kaba la long mynta ka janmiet, ha ka Men Single la iakhun hadpeng u Honda Uni Law na ka tnad Police pyrshah ia u R. Passah na ka ophis DH&HO. U ma R. Passah ula lah ban pynliem ia u ma Honda Uni da 21-13,21-13 points.
U Living Swer na ka DC ophis East Jaintia pyrshah ia u D. Laloo na ka PWD, ha kaba u D. Laloo ula pynliem ia u Living da 21-11, 21-14 points.
U Dr. P, Lamare na DM&HO u la lah ban pynliem ia u Iengskhem jong ka Veterinary ophis da 21-9, 21-12 points.
Ha ka jingiakhun Men Doubles u D.Shullai bad u R. Suchiang na ka Dr. Norman Tunnel Hospital, Jowai kila lah ban pynliem ia u Dabiang Law bad u Khaljeng Marak jong ka tnad Police da 21-18, 21-17 points.
U Inar Kyndiah bad u Roskil Challam jong ka PHE ki la lah ban pynliem ia Livingstang bad u Banstar jong ka DC ophis East Jaintia da 21-9, 21-9 points.
Hashwa ban sdang jong ka jingialekai la don ka jingaikhublei bad kitbok ia baroh ki nongialehkai da ki dkhot bad nongkitkam jong ka Meghalaya State Government Employees Federation, Jowai, Jaintia Unit.