Ka jingialehkai Basketball bad ka Tennis kaba la pynlong ha Raj Bhavan, Shillong da ka jingshiakhia jong u Lad ka jylla u Brig. (Dr.) B.D. Mishra (Rted) kala sdang mynta ka sngi bad kane ka jingialehkai kan kut haduh ka 28 tarik mynta u bnai.
Ia kane ka jingialehkai la pynlong ha ka madan basketball bad tennis kaba dang shu dep shna thymmai ha Raj Bhavan, Shillong.
Ha kane ka lympung na ka liang ki synrang ki ba wan ban iashim bynta ha ka Basketball ki don haduh 8 kynhun (Teams) bad na ka liang ki kynthei ki don 2 kynhun. Katba ha ka jingialehkai Tennis ki don haduh 14 ngut ki nongiashim bynta.
Ha ka jingialehkai mynta ka sngi ka Umroi Military Station ka la lah ban pynliem ia ka Assam Rifles ha ka jingialehkai kaba itynnad bha.
