Ki Nonghikai jong ka Federation of All School Teacher of Meghalaya (FASTOM) mynta ka sngi ka 22 tarik ki la pynlong ia ka jingiakhih, ban pynbor ia ka sorkar ban pyntreikam noh ia ki mat kiba ki Nonghikai FASTOM ki la ap khmih lynti.
Haba kren sha ki lad pathai khubor u Vice President jong ka FASTOM u Sanbor Jungai u la ong ka jingmih iakhih jong ki ka long ban dawa kyntiew kyrdan noh ia ki nonghikai ADHOC sha ka Deficit kynthup ia ki jingsiew.
Ha kane ka sngi la wan iashim bynta da ki spah ngut ki nonghikai sha kane ka jingiakhih ba kynthup naduh ki nonghikai na kylleng
Ki district kiba don ha ka jylla.
Ia kane ka rally la sdang na Madan malki bad ki la iaiad ia ka Lower lachumiere -Barik- bad la pynkut ha Malki da kaba bud sa ka shong kyllaiñ myngor.
U Vice president bah Sanbor ula ong ba kin shong ia khih shong kyllaiñ myngor khlem buh por tad ynda ka sorkar ka sngap ia ki jingdawa bad lada kam sngap ha man ka arsngi kin shong ia ka jingialang bad shim rai ban pynjur shuh shuh ia ki jingiakhih.
