Mynta ka sngi dang step phyrngap jong ka lah sngi U Blei ki nongtuh ki bym pat lah ban lap dien kila ïoh ban sei tuh ïa ki Wire lait (Electric wire) jong ka ophis u Deputy Commissioner ka West Jaiñtia Hills District ha kaba la suba ba kane lah ban jia ha ka por kumba 3 baje mynstep ei ei.
Halor kane ka jingjia ym pat lah ban tip kumno kitei ki nongtuh kila ïohlad ban rung hapoh katei ka ophis, namar u Chowkidar uba ap pahara ha katei ka ophis ruh um shem la ïohsngew ïa kane namar ba ka dei ha ka por dangsteng phyrngap. Kine ki nongtuh ki ioh ban la sei tuh ïa kitei ki Wire Electricity kynthup ïa ki LAN Cables, CCTV Cables da kaba ot tukra hadien bala kyndang ïa ki Casing pipe.
Ïa kane ka jingjia la ïohi da u Chowkidar jong ka ophis ha ka por 7 baje mynstep bad la suba jur ba kitei ki nongtuh kila ïoh ban rung na ka jingkhang ba shatrai (Ground floor), kane kala buh jingeh ban tip namar ki kor CCTV kiba la pyndait ha katei ka ophis kim pat treikam satia, ïa kiba la thmu ban pynteikam ha kane hi ka taiew.
Na ka liang ki pulit jong ka Jowai PS mar sien tip ïa kane ka jingjia kila wan ban jurip bad kila register kes ïa kane ka jingjia shah tuh Wire Electricity ha Jowai Police Station bad ka jingtohkit ka dang ïaid shakhmat mynta.
Haduh ba la thoh ïa kane ka khubor bun na ki kamra trei kam jong katei ka ophis kila duh bording bad kala wanrah ka jingthuh ha ka jingtreikam treijam. Ha ka jingbuh jingkheiñ ba malu mala jong ki ophisar ba wan jurip ïa kane ka jingjia la iathuh ba kane ka jingduh ka la kot sha ki lak tyngka.
