Ki dkhot ka Voice of the People Party (VPP) na ri Lum Jaiñtia hapoh ka jingialam u bah Damewanhi Rymbai President VPP EJHD, ha ka 21 tarik u bnai Nailur 2024, ki la wan ban iakynduh ïa ki nongpyniaid jong ka Kharkhana pynmih dewbilat ka Star Cement kaba don ha Lumshnong Narpuh Elaka, ban dawa ïa ka jingdonkam jong ka driver lane ki nongniah trok kiba niah ïa ki kali jong ka Company Star Cement ban pynkiew ïa ka bai lynti bad ruh ïa ka tulop ka jong ki.
Ha kaba ha kine ki por ba la dep na ka liang ka VPP bad kumjuh ki nongniah trok kila ai por ïa ka Star Cement tang hapoh 10 sngi ban pyndep lane pynioh ïa ka jingdawa ka jong hynrei kane ka jingdawa kam ur long satia.
Kumta mynta ka sngi pat jong ka 22.10.2024, na ka liang ki dkhot jong ka VPP, ki la wan hiar biang sha kane ka kharkhana shna dewbilat ban dawa biang ïa ka jingdonkam jong ki nongniah trok, ha kaba na ka liang ki bor ba pyniaid jong kane ka Cement factory ki la pyneh bad ki la buh ruh ka por ban ïa kynduh ïa ki.
Hynrei na ka liang ki dkhot VPP bad ki nongniah trok ki la rai ban leit tur shaduh sha office trei kam jong kane ka company, ha kaba ha shiteng lynti ki bor pyniaid ki la wan bad pynsngap ba ki kwah ban ia kren bad kane ka jingdawa jong ki nong niah trok.
Hadien ka ba la wai ka jingiakren ka jong ki, na ka laing ka company ka la rai ban pynkiew ïa ka jingdawa ka jong ki sha ka 80 percent katta bai lynti ki hap ban ioh 3500 tyngka ha ka shi trip bad ka tulop pat 1300 tyngka na ka shi trip.
