Ka All Meghalaya Dancer Association (AMDA) hapoh ka jingialam jong u Bah Kitbok Thabah ki la wan ban pyntip paidbah mynta ka sngi halor ka jingiohrung Top 6 u Samla khasi u Steve Jyrwa ha ka jingshad India Best Dancer season 4 ha Mumbai.
Haba pyntip sha ki lad pathai khubor mynta ka sngi ha Shillong Press Club, U Bah Kitbok Thabah President ka All Meghalaya Dancer Association ryngkat bad kiba haïing hasem jong u Samla Steve Jyrwa ki la iawer ia ki paidbah ka Jylla ba kin ai jingkyrshan ia u Samla Steve Jyrwa u ba lah ioh rung mynta sha ka Top 6 ha ka rynsan iakob shad India Best Dancers ha Mumbai bad yn pyni paidbah ha ka SonyLiv ha ka por 8 baje mynmiet man ka sngi Saitjaiñ bad sngi U Blei lyngba ka voting ia U Steve Jyrwa.
Shuh shuh u Bah Kitbok Thabah u kyntu ia ka Sorkar ba kan iarap lem ban ai jingkyrshan ia u Samla Steve Jyrwa ban wanrah nam bad burom ia ka Jylla.
