Ki Pulit mynta ka sngi ka 17 tarik Jylliew ki la wan ialam ia 4 ngut kiba donkti ban pyniap ia u Raja Raghuvanshi kata ka Sonam Raghuvanshi, U Akash Raiput, Vishal Sing Chauhan, bad u Anand Kurmi, ha parking lot Jong ka Weisawdong kaba don ha Sohra ban tohkit bniah ha kano ka rukom ki pyniap ia u Raja Raghuvanshi.
Ha kane ka sngi ki Pulit ha ryngkat bad ki bor pahara ki la leit ialam shwa ia baroh 4 ngut sha Wahlakhiat ka lynti ban leit sha Nongriat ban tohkit halor kumno ki sdang bad iaid lynti na Wahlakhiat sha Parking jong ka Wei Sawdong ban pyniap ia u Raja Raghuvanshi.
Hadien ba ki Pulit ki la dep na Wahlakhiat ki sa wan ialam ia baroh 4 ngut sha Parking Lot Weisawdong ban tohkit bniah haba iadei bad ka jingjia pyniap ia u Raja Raghuvanshi.
