Ka Khun Hynniewtrep National Awakening Movement (KHNAM) ha ka 8 tarik ïaiong ki la wan iakynduh ia u CEM ka KHADC ban pyngsngew kaba iadei bad 3 tylli ki mat kiba ktah ia ka Jaitbynriew.
Haba kren sha ki lad pathai khubor na ka liang u Bah Thomas Passah, Working President jong ka KHNAM hadien ba la iakynduh ia u CEM ka KHADC u la ong ka Seng ka la ioh ban pynsngew ha u CEM ban khang lad ia ki bym dei ki Khasi ban thep vote ha District Council bad tang ki Khasi ki dei ban thep vote ha District Council ym da kiwei ki Jaitbynriew .
Shuh shuh u la ong ka mat kaba ar kaba la ioh ban pynsngew ha u CEM ka dei halor ka jingioh bat Rangbah Shnong da ki Jaitbynriew Garo ha ka shnong Raid Marwet bad ha ki Snem ba la dep ki la leit iakynduh ruh ia u Cm ba kin ioh Syrnot Rangbah shnong na ka Hima Mylliem bad ka la don ka jingkynnoh kaba ai kot ai sla kaba jur bha hangthie hapoh ka thain Raid Marwet bad ka don ruh ka jingkynnoh ba iathied jaka kaba jur bha .
Shuh shu u la ong ba ka mat ka ba lai ka dei halor ka trading by non tribal Regulation, kum ka Seng ka pynpaw ia ka jingkmen ba ka jingwan jong ka EC ba thymmai kan leh ia kaba donkam ban ym ai license shuh bad ym dei ban renew shuh ia ki license kiba ki khasi ki lah ban trei ia ka kam. U la pynpaw ruh ba ki don ki jingkynnoh ba uwei u briew u Seng 3 4 kam kawei ka license bad ka KHNAM ka la ioh ban pynsngew ha u CEM ban shimkhia ia kane ka mat.
Na ka liang u CEM ka District Council u la kular ba un sa lum da ka jingialang bad ki ophisar ka District Council ban shimkhia ia ka mat kaba ka KHNAM ka la pynsngew ha u CEM.