Ki nonghikai trainee jong ka De.El.Ed na Sibsing Higher Secondary School hynne ka sngi ka 17 tarik ïaïong 2025 ki la wan iakynduh ia u Vijay Mantri, IAS Commissioner Secretary ka tnad pule puthi halor ka jingbym ioh result wat hadien ba ki la pyndep ia ka exam jong ka De.El.Ed.
Haba kren sha ki lad pathai khubor na ka liang u Bah Shembor Langrin u la ong ha u Snem 2019-2020 la phah ban leit training ia ka De.el.ed kaba 2 snem lyngba ka NIOS hapoh ka Sibsing Study Centre. U la ong ha ka First Year 2015- 2016 ki la pyndep ia ka jingpule hynrei ha u Snem ba nyngkong ka result ka biang hynrei ha ka snem kaba 2 la ioh absent.
Shuh shuh u la ong halor kane ka jingeh ka NIOS ka khlem pynbna (declare) ia ki result. U la ong ha ka jingshisha ki la dep ban pyndep ia ka training ha Sibsing Study Centre.
Na ka liang ki nonghikai kiba don 29 ngut kiba la pyndep ia ka traning De.el.ed. ki la ai da ka jingthoh sha u Commissioner ka tnad pule puthi jong ka sorkar jylla bad u la pyntip ba un sa shimkhia ia kane ka bynta.
