Mynta ka sngi 11.09.2024, ka FKJGP-Khliehriat Circle hapoh ka jingialam u President jong ka u bah Michal Chyrmang ryngkat ka jing synranlang u Secretary ka FKJGP-East Jaintia u bah E. Sutnga bad ki dkhot ka seng, hadien ba ka seng ka la ioh shibun ki jingujor na u paidbah haba iadei bad ka jingkiew ka bai bording (Bill Light), khlem da pynslem ka seng kala leit pynsngew sha u Executive Engineer ka MePDCL Moowakhu East Jaintia u ma M.L Pohshna.
Haka jingiakren ka seng bad utei u EE na ka liang jong ka Office jong u, u la kular ban leit pynsngewthuh (Awareness) iaki nongshong Shnong bad u la kyrpad ruh iaki Waheh Shnong ban iatreilang halor katei ka mat bad naka liang jong ka seng khnang ba u paidbah un lait naka jingsuba sniew bad ban lait na kaba sah um dum bad ki paidbah un ia shai lang hi baroh haba iadei bad katei ka jingkiew ka bai bording ka seng ka kwah ban ai jingmut iaka MePDCL Moowakhu kumne harum.
1: Ka Office kadei ban ai jinghikai (Awareness) ia baroh kiba pyndonkam bording kumno ban kheiñ iaka bill light jong ki, da kaba leh kumne khnang ba u paidbah un ym tharai sniew shuh iaka Office.
2: Baroh kiba Apply thymmai (new Connection) ka Office kadei ban pynsngew ia ki nong pyndonkam bording kumno ban kheiñ ia ka bai bording katkum ka jing pyndonkam jong ki, da kaba leh kumne khnang ba u paidbah un ym tharai sniew iaka office ba dei peit.
3: Ka Office kadei ban buh kawei ka Help Desk naka bynta u paidbah khnang ba u paidbah un suk ban wad iaki jingtip.
4: Ka Office kadei ban hikai pynsngewthuh ia ki paitbah kumno ban siew Online iaka bill light, khnang baka por jong ki paidbah kan ym sepei ban wan shaduh Office ban siew iaka bill light, khamtam kiba na jngai shnong bad kan pynsuk hi ruh ia ki nongtrei ka Office.
5 :Ka Office kadei ban pynsngewthuh ba u paidbah u lah ban siew iaka bai bording hapoh 15 sngi naduh ba wan ai ia ka Slip Bill Light na ki briew ka MePDCL.
Lada ka Office kan pynshai ia kitei ki jingai jingmut kan long ka jingshai sha u paidbah ka District bad kan pyllait iaka Me PDCL naka jing shah suba sniew ha ki paidbah bad kumjuh naka liang jong ka seng bad u paidbah kan iaroh ia ki kam ba bha jong ka Office naka bynta ka bha ka miat haka imlang sahlang. Pynkut ka kyrwoh na u President ka FKJGP-Khliehriat Circle u bah Michal Chyrmang.