Ha ka rta kaba 18 snem, u Sumit Kharmyndai u la shah jied ban mihkhmat ia ka Jylla kum juh ruh ia ka Ri India ha ka jingïakob Mr Earth International 2025.
U Sumit u dei uba shong ba sah ha Nongmynsong, Shillong, East Khasi Hills District, da ki sap bad jingtbit jong u, u la poi sha ka kyrdan ba pynpaw ïa ka ri India bad jylla Meghalaya ha kane ka jingïalehkai ka ban long ha Bogota, Colombia naduh 23 haduh 31 tarik August 2025.
Ki paralok bad ka ïing ka sem jong u la ai mynsiem bad kitbok kitrwiang ïa u Sumit uba long shisha u samla uba lah ban pynpaw ïa la ka sap ha kane ka jingïakop bad ruh ban wanrah ia ka burom ia ka Ri Jaitbynriew..
U Sumit u long ruh u samla uba la ju ïai neh halor ki sap jong u bad u don ka sap ha ka Modeling ne ka pyni riam pynibeit. Na ka liang u Sumit u ai mynsiem ruh ia kiwei pat ki samla kiba don ka sap ha kane ka kam pynwandur ia ka met ka phad bad ka riam ka beit.
Shuh shuh kum ban shu pynkynmaw ba dang shen ha une u snem 2025 u Sumit u la jop ruh ia ka kyrdan Runner-up ha Mr Iconic Jowai 2025.
