Ki dkhot ka FKJGP kynthup ia u chief Organizer Khraw Kupar Nongsiej bad kiwei ki dkhot ki la shah khot hajir mynta ka sngi ha ki Pulit ka Nongmynsong. Ia u Chief Organizer ka FKJGP la wan ban synran da u President bad kiwei kiwei ki Nongialam ba hakhmat jong ka Seng.
Haba iakren bad ki lad pathai khubor mynta ka sngi na ka liang u President ka FKJGP Sengkmie u Bah Dundee C Khongsit u buh jingkylli ba kumno ka tnad Pulit ka khot hajir tang Ia ki nongialam ka seng. Ngi khlem iaid lait ia ka District Council, ka tnad Labour, ka tnad food & Safety. U la ong ruh ba ki ophisar jong kine ki tnad ki la don lang ha ka jingkhynra, shaei ki jah kine ki ophisar ba khlem khot hajir lada ki Pulit ki ong ba ka jingleh jong ngi ka long kaba be-aiñ.
U Bah Khongsit u la ong ba ngim sngewphylla shuh ia ka jingleh ki Pulit bad ka sorkar hynrei kaba sngew thamula ka long ba lada ngi pyrshang ban tehlakam ia ka kata ka jingwan rung beaiñ ki barjylla, pynban ka sorkar ka iada bad ka pynsajia ia ki dkhot sengbhalang.
U la ong ruh ba ngim don jingpyrshah ia ki bar jylla ba kin wan bylla lada ngim pat don ki briew jong ngi kiba lah ban trei ia ki kam kiba ki trei, hynrei ki hap pat ban iaid katkum ki kyndon jong ka aiñ.
U Bah Dundee khonsit u la ong ba kum ki samla kiba don ia ka jingkit khlieh ia ka Jaidbynriew , ngim lah ban shu shong kli kti , lada ka sorkar kam leh eiei ruh em ia Kane ka kam iap kam im jong ngi kum ka Jaidbynriew.
Kumban shu pynkynmaw ka Seng FKJGP hapoh ka jingialam jong u Chief Organizer U Bah Khrawkupar Nongsiej ka la leit ban khynra license ha ki thain Polo ,Nongmynsong ha ryngkat ka jingiadon lang ki ophisar ka khasi Hills Autonomous District Council, ka tnad labourlabour ka sorkar jylla , lem bad ka tnad food & Safety ka Sorkar Jylla.