Ka kaiphod sorkar kaba la pynmih mynta ka janmiet lyngba ka tnad Meghalaya State Disaster Management Authority, kala ai jingthip ba ki don haduh 10 tylli ki District kiba la shah ktah na kane ka jinglynglongshop mariang jong ka jingjur jong ka lyer bad u lapbah.
La iathuh ba haduh ba la phah ia kane ka kaiphod ki don haduh 1094 ngut ki briew kiba la shah ktah, na ki 49 tylli ki shnong. Kala don ruh ka jingduh noh jong ki mynsiem briew haduh 6 ngut bad ka jingmynsaw jong ki 4 ngut. Ka jingjulor jong ki ïing kala kot sha ki 28 tylli, bad ka jingjulor jong ki jingtei ka long 33 tylli, haduh ba phah ia ka kaiphod ym pat don kano kano ka jingjulor jong ki jaka rep jaka riang ne ka jingduh ia ki jingri jingdup.
Napdeng kitei ki 10 tylli ki District kiba la shah ktah ki kynthup ia ka East Khasi Hills, West Garo Hills, Eastern West Khasi Hills, Ri Bhoi, South Garo Hills, West Jaintia Hills, South West Garo Hills, East Jaintia Hills, South West Khasi Hills bad ka West Khasi Hills District.
