Ar tylli ki Masi Kyrtong kiba la pura bha kiba dei jong u ma Hunbait Tyngkan na ka shnong Saphai, West Jaintia Hills District kila shah rong tuh na ka jaka bala set ia ki ha kane ka 26-8/2025 ha ka por kumba 1 haduh 2 baje ei ei dangstep phyrngap.
Ha kaba iadei bad kane na ka liang u trai ula leit ban buh da ka ejahar (FIR) ha Saphai Out Post ha kane ka juh ka sngi, hadien ba la lap ba kitei ki ar tylli ki Masi Kyrtong ki don shuh ha ka jaka ba la set ia ki kaba la tip kum ka Mawpyniein.
Na ka liang jong u trai ula iathuh ba la suba jur ba ia kine ki ar tylli ki Masi Kyrtong kiba la don 3 snem ka rta, u wei u rong iong bad u wei pat u rong bthuh saw, la rong tuh da ki runar bym lah ban tip.
Na ka liang ki Pulit kila shimkhia ban pynlong ia ka jingtohkit ban lap ia kitei ki Masi Kyrtong, da kaba ai jingtip ruh sha kiwei de ki Police Station, khnang ban ioh bat ia ki Masi bad ia ki nongtuh lada lap ia ki.
Shuh shuh na ka liang u trai jong kitei ki Masi Kyrtong ula kyrpad ia ki riew paidbah ba lada ki lap ne iohi ia kitei ki Masi jong u, kin sngewbha ban ai jingtip mar mar sha ki Police Station ba mar jan lane da kaba phone ha u ne u number mobile : 8794423045, yn ai buskit ia kiba ai jingtip da kaba burieh ruh ia ka kyrteng jong ki.
