Hynne ka step jong ka 30 tarik u Lber, 2025 kawei ka kali Tourist (Celerio) rong lieh kaba don ïa u Registration no ML04 D 5287, kala shah rong tuh baroh saw tylli ki shaka (alloy) kaba dang pynïeng hajan ïing kaba don harud jong ka surok Mihmyntdu Mookymphad, West Jaiñtia Hills District.
Hadien ba ki nongtuh kila dep ban law lut ïa kitei ki shaka kali baroh saw tylli la pynïeng bad ieh ïa ka kali halor ki mawit.
Halor kane ka jingshah tuh na ka liang ka seng ki nongñiah bad trai kali kamai hapoh ka lama jong ka Jowai-Shillong-Guwahati Tourist Cab Association WJHD kala kyrpad jur ïa kino kino ki briew lada don kiba tyrwa die ïa kitei ki shaka kali, kin sngewbha ban pyntip mar mar ha kine ki no. 8415849847/8014330666. Ïa ki kyrteng jong ki nongpyntip yn burieh.
Ka seng kam kwah ba kum kine ki jingjia ki wan jia manla ka por hapoh ka District. Ha ka juh ka por ka kyntu jur ïa ki trai kali ba kin long kiba husiar ha ryngkat ka jingïatreilang bad ki paidbah nongshong shnong khnang ban tehlakam ïa kum kine ki jingjia shahtuh.
