Uwei u Nonghikai jong ka Hindi Department u ba dei ruh u Assistant Professor u Dr. Alok Singh hynnin ka sngi ka 24 tarik ïaiong u la shah shoh ha ka ophis trei kam jong u ha ha ki hynriew ngut ki briew kiba u la kynnoh ba ki dei ki khynnah pule.
Haba kren sha ki lad pathai khubor na ka liang u Dr Alok Singh u la iathuh ba hynnin ka sngi ha ka por kumba 5 duna eiei hynriew ngut ki samla pule hapoh ka jingialam jong u President ka NEHUSU ki la wan rung sha ka kamra trei kam jong u bad khang ia ka jingkhang ha kaba kine ki samla pule ki la shoh ia u.
Shuh shuh u la iathuh ba na ka liang ka jong u, u la ujor da ka ejahar khang ba kum kine kim um jia shuh hadien. U la kyrpad ruh ba kin pynbiang ia ki bor ai jingiada namar u sngew tieng ia lade wat la um shym la leh eiei ruh.
Hadien ka jingshah thombor jong u Nonghikai ka skul bah Nehu u Assistant professor, u Dr Alok Singh, ki bor pynïaid jong ka North Eastern Hills University (NEHU) ha ka 24 tarik ki la rai ban thaw ïa ka komiti halor ka jingshah shoh u Nonghikai kane ka skul bah Nehu.
Haba kren sha ki lad pathai khubor u PRO ka NEHU, u Prof Davidson Pyngrope u la ong ba kim pat buh ia kano kano ka por ban thaw ia ka komiti hynrei na ka liang ka NEHU bad ki bor Pyniaid ki pynrem jur ia katei ka jingjia hynnin ka janmiet halor ka jingshah thombor Dr Alok Singh da ki katto katne ki briew.
U la ong ba kim pat lah ban ong mano ba donkti ha kane ka jingjia da kaba bynrap na ka liang u Dr Alok Singh Assistant Professor u la ujor da ka ejahar haba iadei bad ka jingjia hynin ka sngi.
U Bah Pyngrope u la ong ai ba ki Pulit kin tohkit ban lap ia kito ki briew kiba thombor ia u Assistant Professor Dr Alok Singh.
