Shah u DC EJH ban plie ki jaka die kyiad naduh sngi Monday haduh Friday ryngkat ka jingbud ryntih ia ki SOPs

Khliehriat: Shi bynta ban pynduna ia ka jingsaphriang jong u Covid-19 hapoh East Jaintia mynta ka sngi u Deputy Commissioner jong kane ka District ula pynmih ia ka hukum ba la shah ban plie ia ki jaka die kyiad Bonded Warehouse/ IMFL retailers/ Canteen/ Outstills tangba kin hap ban bud ryntih ia ki kyndon SOPs bala bthah da ka sorkar katkum ka hukum kaba la pynmih ha ka 24^th August 2021. Ia kine ki dukan die kyiad la shah ban plie tang naduh ka sngi Monday haduh ka sngi Friday naduh ka por 9:00 AM haduh 6:00 PM tad haduh ban da pynmih da kawei pat ka hukum.