Ka la long ka jingduh kaba khraw ia ka kong Rina Dong kaba dei ka trai jong ki 6 tylli ki masi kiba la iap lyngktar hadien ka jingshah tied ha u pyrthat mynta ka sngi.
Kane ka jingjia kala jia ha ki thaiñ War Jaiñtia ha ka shnong Lurniang kaba hap hapoh Amlarem Sub-Division, West Jaintia Hills District.
Ka khubor bala iohlum la iathuh ba mynta ka sngi ka la don ka jingther jur jong u lapbah bad ka jingsyllad jong ka lyer ryngkat ka leilieh kaba kyrhuh khlem sangeh. Dei ha ka por 1:00 shiteng sngi ba kitei ki 6 tylli ki Masi jong ka kong Rina Dong kila shah pom ha u pyrthat bad kila kyllon iap ha shen.
Katkum ka jingiathuh jong ka kong Rina la ong ba ka jingduh na kine ki masi kala kot shaduh 4 lak tam.