Ka Dorbar shnong Khimusniang kaba long kawei na ki Dorbar Shnong hapoh ka nongbah Jowai, kan sa pynkut noh ia ka jingrakhe bad lehkmen jong ka jingdap 75 snem ne ka (Platinum Jubilee) ha kane ka 28.12.2024.
Ka shnong Khimusniang ka dei kaba la seng nongrim naduh u snem 1949, ka dang don myna hapdeng ka jingpynkreh pynkhrum bha ha ryngkat ka jingrakhe ia ka Christmas kumjuh ruh ban pdiang ia u snem thymmai kaba long kham kyrpang na ka daw ka jingpynkut artad ia kane ka jingrakhe ba kyrpang ia jingpynhap pyrda ia kane ka Platinum Jubilee.
Na ka liang ka DS Khimusing ha baroh shi lynter une u snem ka 2024, ka la ioh ban pyndep shi bun ki programme ki bapher bapher naduh ki jingialeh kai sports, jingiakop Quiz, Drawing, Essay, Singing, Dancing bad kiwei, kiba la iashim bynta shong shit naduh ki khynthei ki shynrang kiba kynthup naduh ki rangbah, ki samla bad ki khynnah rit jong ka shnong.
Ha ka sngi pynhap pyrda ia kane ka jinglehkmen Platinum Jubille la khmih lynti ba yn sa don lang u MP ka Rajya Sabha jong ka jylla u ma Dr. Wanweiroy Kharlukhi kumjuh ruh u MLA ka thain u ma Wailadmiki Shylla bad kiwei de ki riewpaw khmat jong ka thaiñ kin ia don ryngkat.
