Ka Elaka Lakadong Sports Association (ELSA), East Jaintia Hills District ha ka jingialang jong ka Sports Executive Committee (SEC) kaba da dep long ha ka 19/11/2021 ha shnong Lakadong Umlatdoh (Community Hall) da kawei ka sur ka la rai ban pynlong ia ka lympung ialehkai kaba tip kum ka “Elaka Lakadong Knockout Football Tournament 2021-22” Ka ban sdang ha u bnai Dec 2021. Ka jingthmu ban pynlong ia kane ka Tournament ka long kum shimbynta ban kyntiew ia ka sap ka phong jong ki samla hapoh ka Elaka khamtam ban don ka mynsiem jingiaieit iwei ia iwei.
Ia kane ka lympung ialehkai ka ELSA ka la rai ban shah iashimbynta tang ki shnong bad ki team/Club jong ki chnong kiba don hapoh jong ka Elaka Lakadong.
Nalorkata ka ELSA ka la rai ban shah lane ai lad ia ki Shnong bad ki team/Club ban wanrah player na palat jong ka Elaka tang mar 4 ngut don ha kawei ka team kum shibynta ban wanrah ia ka standard ialehkai kumjuh ban pynshlur ia ki khun jong ka Elaka.
Kumta ka ELSA ka la khot ia baroh ki shnong bad ki Club ba pher ba pher ki ba don hapoh ka Elaka ban iashim bynta ha kane ka lympung ialehkai. Ka bai rung kan long Rs.2000/- tyngka kawei ka kynhun.
Shuh shuh ka ELSA ka pyntip ruh ba kan ai ia ka khusnam da ka song pisa kumba Rs.30,000/- tyngka ia kaba jop phainal katba Rs.20,000/- tyngka ia kaba rem ha phainal ryngkat ki Trophy.
Ia ka tarik khatduh ban pynpoi ia ka bai rung kan long ha ka 2/12/2021.
Ia kane ka lympung yn sdang shwa ha ka shnong Lakadong Umlatdoh bad ia kiwei ki jingialehkai ba bun (match) yn sa pynialeh sha kiwei ki madan lane ki shnong.