Ka ophis jong u District Sports Officer (DSO), West Jaiñtia Hills District, Jowai kan sdang noh ïa ka jingïalehkai District Level Inter School Subroto Mukherjee Cup Football Tournament 2024 ha madan Kiang Nangbah Stadium, Jowai ha kane ka 10 tarik u Jylliew, 2024.
La pyntip ha kine ki lai tylli ki kyrdan kata ka Under-17 (boys) kila don haduh 28 tylli ki skul, ha ka Under-17 (Girls) 9 tylli bad ha ka kyrdan Under-15 (Boys) ki don 24 tylli ki skul napoh ka District .
Ka jingïakhun ba nyngkong jong ka kyrdan Under-17(boys) haka 10 tarik u Jylliew naduh ka por 8 baje mynstep shaneng kan long hapdeng ka Mihmyntdu Sec. School pyrshah ïa ka Jaiñtia H/S School, ka On and On English School, Ummulong pyrshah ïa ka Che’s Star H/S School, ka Marian Hill H/S School pyrshah ïa ka Laishnong H/S School, Nongbareh, ka St. Dominic H/S School pyrshah ïa ka Govt. Senior Basic RMSA School, Mynso, katba ka Seiñraij H/S School pyrshah ïa ka Khasi Pnar Sec School Dawki, Bakur.