Ka West Jaiñtia District Cricket Association (WJCA) shen kan sa sdang noh ïa ka jingïalehkai Cricket bala tip kum ka ‘Under-19 Boys Cricket League’ naduh 19 tarik u Lber, 2022 bad ïa kane ka lynpung yn pynïakhun ha madan Jrisaleiñ, Jowai.
La ïathuh da u Secretary Tournament Committee ka WJCA ma Daowan Nartiang baroh ki kynhun (Teams) kiba wan ban ïashim bynta ha kane ka lympung kila don haduh 4 (saw) tylli kiba kynthup ïa ka Hills United Cricket Club, Amity Cricket Club, Khimmusniang bad ka Umshangiar. Ïa ka jingïalehkai yn pynïakhun da ka 35 overs.