Katkum ka khubor bala phah da ka ophis u Superintendent of Police, West Jaintia Hills District, la ong ba ka iing bisar ba donburom jong u N.A Khan, District and Sessions Court, Jowai, kala rai pynrem da kaba set phatok shi jingim ïa u Shwamiki Law uba donkti ha ka kam pynïap ïala ka lok jong u ka Daphibanker Phawa.
Katkum ka jingujor bala ïoh da ki Pulit la iathuh ba ha ka 11.10.2018, u kpa jong u Shwamiki Law ula ujor da ka ejahar ha Jowai Police Station, ba ha ka por 11:50 PM u khun jong u, u Shwamiki Law, uba la sah ha ka mala kaba nyngkong ryngkat ka lok bad lai ngut ki khun, ula leit ïathuh ha la u kpa, da kaba shukdew kti ba don ha jingjia ha ka ïing sah jong u ha ryngkat ka jingmynsaw ha ki bynta ka ryngdang jong u.
Mar mar utei u kpa jong u, ula leit rung sha katei ka kamra jong ki ula lap pynban ba ka Daphibanker Phawa kaba dei ka pyrsa kurim jong u, kala shah pyniap da kaba shah ot na ryngdang.
Ïa ka kes la registered ha Jowai PS Case Number 231 (10)18 U/S 307/302 IPC bad ia ka jingtohkit la pyndep da i WPSI i kong I. Kharpran.
Hadien ka jingtohkit bniah la lap pynban ba u Shwamiki Law uba donkti dalade ban leh ïa katei ka kam pyniap ïa la ka jong ka lok.
Kumta ka ïingbishar kala rai set photok ïa u Shwamiki Law shijingim bad ka kuna kaba 5,000 hajar tyngka.
Ha ka juh ka por ka ïing bishar kala hukum ba un siew kum ka jingiarap pisa sha kitei ki lai ngut ki khun jong ka longkmie ba shah pynïap kaba kot haduh Rs. 6, 00,000/- (hynriew Lak) tyngka.