Ka khubor ba la pyllait lyngba ka Ministry of Education la iathuh ba ka ri India kan pynlong ia ka jingrakhe ia taiew ka Pule Puthi ka thoh ka tar shi taiew lynter kata naduh ka 1 tarik Nailur haduh ka 8 tarik Nailur 2023 kum shi bynta ban rakhe ia ka International Literacy Day ka ban pynsngewthuh ia ki nongioh bynta/ ki nongioh myntoi / ki nongshongshnong shaphang ka ULLAS (Understanding of Lifelong Learning for All in Society)-Nav Bharat Saksharta Karyakram.
Ka jingrakhe ia kane ka jingai jinghikai kaba shitaiew lynter kan iarap ia shibun ki nongiashim bynta ban ioh ia ka jingmut jong ka Kartavyabodh bad Janhbagidari ha man la ki paid nongshong shnong ka ri India. Lyngba kane ka scheme kan iarap ia baroh ban ioh ia ka thong ban pynlong ia ka ri India ka ri kaba kiew ha ka pule puthi bad ka thoh ka tar.
La mynjur ia ka jingai jingiarap sngewbha da ka sorkar pdeng ka ULLAS-Nav Bharat Saaksharta Karyakram na ka bynta ka Jingpule ia baroh (ba la ju tip kham mynshwa kum ka jingpule ia kiba la rangbah) ban pyntreikam ha ka Financial Year (FY) 2022-27 da kaba bud ryntih kat kum ka National Education Police (NEP). Kane ka scheme ka don san tylli ki bynta ba kynthuplang ia ka (i) Foundational Literacy and Numeracy (ii) Critical Life Skills (iii) Basic Education (iv) Vocational Skills bad (v) Continuing Education.
Ia ka shap bad ki jingthoh -Jan Jan Sakhar bad ka kyrteng ba la pawnam bha ka ULLAS of Nav Bharat Saksharta Karyakram la pyllait paidbah da u myntri ka sorkar pdeng uba bat ia ka tnad Pule Puthi, u Dharmendra Pradhan ha ka 29 tarik Naitung, 2023 ha ka nongbah Delhi ha ka por ka jingrakhe ia ka jingdap lai snem ka National Education Policy (NEP) 2020. – [PIB]