U Working President ka Congress u bah PN Syiem uba dei ruh u Dy CEM ka KHADC hynne ka sngi haba kren bad ki nongthoh khubor halor ka jingmih ki khubor ba ka Congress kan weng noh ia ka jingkyrshan na kane ka EC ba la lam khmat da ka NPP u la ong shibun ki Mat kiba ka kynhun ka la lah ban leh ha kine ki samoi treikam ha KHADC , wat la ka don ka jingdawa na ki nongkyrshan ka seng ban weng noh na kane ka EC ba lamkhmat da ka NPP.
Une u nongialam ka Congress u la ong, “Teng teng ngi ki nongialam ngim sngewthuh ia ka bor pyrkhat jong ki ba bun balang ka jingpeit jong ngi la pyrshang ban treikam bha ka jingkwah jong ki nongkyrshan ban weng, kiba bun kim da kham sngewtynnad ia ka rukom treikam jong ka NPP ka lah ban dei kata ka daw”. Ha ka jinglap jong ngi ha KHADC ngi leh ki kam ba bha, “Naduh ki bnai mynshwa la pyrshang ban ong ia ngi ban weng noh na ka EC hynrei ki kam ba hap pyndep ki dang bun.”Shuh shuh u la ong,” ka jingiakren kaba khluit bha hapoh party congress ka dei ka jingiatrieilang hangne ha KHADC kumno kumno ruh kam dei ban don ka jingtan bad kano kano kaba khluit te kan sa mih hi kano kano kan hap ban Shai bad kan Shai hi “.