Ka Star Public School, Lumshnong East Jaiñtia Hills, ka la shim bynta ha ka sngi ba kyrpang kaba tip kum ka Mega Tinkering Day kaba la pynlong da ka Department of School Education & Literacy hapoh ka Ministry of Education, ha ka jingïatreilang bad ka Atal Innovation Mission (AIM) jong ka NITI Aayog. Ia kane ka programe la pynlong ha ka 12 tarik, u Nailar 2025, naduh 10 baje mynstep haduh 1 baje, ha Atal Tinkering Lab jong ka skul.
Ki khynnah skul kiba la shah jied ryngkat ka jingdonlang ki nonghikai ki la shim bynta ha ka “Build Together” session, kaba la long da ka jingïalam lyngba ka live session. Ki khynnah ki la trei lang kum ka kynhun ban thaw ka project kiba don ka buit thymmai da kaba pyndonkam ïa ki tiar ki tar jong ka ATL.
U Principal kane ka skul u la pynpaw ka jingïaroh ïa ka CBSE halor ka jingtrei shitom jong ka ban kyntiew ïa ka jingmut jingpyrkhat jong ki khynnah ha ka liang ka Saian. U la ong, “kane ka program ka pynshlur ïa ka jingsngewthuh bad ka jingthrang ban tip ïa ki khynnah shaphang ki jinglap thymmai
Ki khynnah ki la dap da ka jingsnewkmen ha kaba ia dei bad kane ka programe, da kaba pyni ïa ka jingsngewtynnad ia ka jingïatreilang ryngkat ryngkat. Ka jingïalang ka la kut da ka jingpynkhreh ïa ki dur bad video kiba pyni ïa ka ka jingsngewthuh thymmai lyngba kane ka programe.
