Ka tnad Pyniaid kali jong ka nongbah Shillong, ka Shillong Traffic Police (STP) ha ryngkat ka jingiasnoh kti lang bad ka National Health Mission (NHM), East Khasi Hills mynta sngi ka 22 Tarik Ïaiong 2025 kala pynlong ïa ka Road Safety Medical Awareness programme Cum Free Medical Screening ïa ki Pulit Pyniaid kali bad kumjuh ïa ki Nongniah kali kamai ha Nongbah Shillong kaba la pynlong ha Parking lot 9 lad.
Ka jingpynlong ka tnad Pulit ia kane ka free medical screening la iohi ia ka jingwan iashim bynta da ki Driver Taksi, ki Pulit Pyniaid kali kynthei bad shynrang na ka bynta ka ban test ialade na ka bynta ka koit ka khiah jong ki.
Ha kane ka sngi la ia don ryngkat lang da u SP ka Shillong Traffic Police u K Prasad, Dr J K Sangma Additional DMHO ka Dr S. Marbaniang ENT Specialist, ka Dr H. Siangshai Medical Officers, Dr S. Kharmawphlang, Dr S Pala, ha ryngkat kiwei kiwei ki nongshah khot sngewbha.
