(M.M. Thaiang)
Ka Sister Ardaka Tariang ha ki bun snem kum ka Aspirant jong ka jingiasyllok ki Sister Carmelite Missionary, khatduh ka la raikut bad shim ia ka jingsmai kaba khatduh bad ka la pyndep ia kane ha kane ka 6 tarik Kylla-lyngkot 2024, ha ka ban ieid bad shakri ia U Blei bad iala ki para briew shi jingim ban long ka riewniam jong ka jingiasyllok ki Sister Carmelite Missionary ha Sacred Heart Church Raliang ka Parish Mowkyndeng (Mookyndeng) bad ia kane la wan ban pynsmai da u Most Rev. Ferdinand Dkhar dd Bishop ka Jylla-niam Jowai, ha kaba la ia wan ban sakhi da ki spah ngut ki para Khristan. Ki Kur ki Jait bad ki Kha ki Man jong ka Sister Ardaka Tariang kiba najan bad na jngai.
U Most Rev. Ferdinand Dkhar, haba kren ha kane ka sngi, u pynpaw ia ka jingkmen ka bakhraw ia ka jingshim smai jong ka Sister Ardaka Tariang ban long ka ‘riewniam shi jingim ha ka ban ieid ban shakri ia U Blei bad iala ki para briew. U Bishop Ferdinand u ong ba kane ka jingshim rai kaba khatduh jong ka Sister Ardaka Tariang ban ieid ban shakri ia U Blei bad iala ki para briew, ka dei ka jingkwah jong U Blei bad ka Balang. Nangta u ong, ka Balang ka kwah ia ki riewngeit jong ka ym tang ki riew shakri paidbah, ki Doctor, ki Nonghikai, ki Nongtrei Sorkar bad kiwei de ki jingtrei ba bun jait, u kwah ruh ia ki riewñiam, ki Phadar, ki Sister, ki Brother bad kiwei de ki riew aiti lut ha ka ban shakri ia U Blei, iala ki Parabriew bad ha kaba pynphriang ia ka Khubor babha jong u Jisu Khrist sha ki jaitbynriew baroh kat shaba lah ei. Ha ka juh ka por u Bishop u ong ka jingim riewniam ka long kaba eh, hynrei shaniah ha U Blei bad ha U Blei ka long kaba lah bad ym don ka bymlah ha U Blei.
U Bishop Ferdinand Dkhar u ong ka Balang ka donkam ia ki riew aiti lut ban shakri ia U Blei, ia ki riewngeit jong ka Balang jong u bad iala ki parabriew, u pynkut ia ka jingkren jong u da kaba kyntu ia ki khun samla shynrang bad ia ki khun samla kynthei jong ka Balang bad ia ki kmie ki kpa ban pynshlur iala ki khun ban long ki Lyngohsohblei, ki Riewniam bad ki Brother ba kin mih sha khmat ban long ki Lyngdohsohblei, ki riewniam bad ki Brother, ki Headkatechist bad ki Nongtrei Balang ki ban long ki riew aiti lut ha ka ban pynphriang ia ka Khubor babha ha ki briew baroh bad ha ka ban shakri bad sumar ia ki paidriewngeit bad ia la ki para briew kat shaba ki don katba lah ei.
Ha kane ka sngi la ioh ruh ia ki kyntien kyrkhu kyrdoh ia ka Sister Ardaka Tariang da u Phadar Henry Warbah Parish Priest ka Parish Mowkyndeng (Mookyndeng) bad na ka Sister Superior jong ka Seng ki Sister Carmelite Missionary.
