Ka District Administration & District Sports Office (DSO) West Jaiñtia Hills District shi bynta na ka jingrakhe ïa ka ‘National Sports Day’ mynta ka sngi Palei kila pynlong ïa ka jingïalehkai Dat Moopoin bad ka ïatan tyllai ba la shim bynta da ki 8 tylli ki skul napoh ka District.
Ïa kane ka jingïalehkai Inter School Competition la pynlong ha madan Kiang Nangbah Dongmihsngi, Jowai.
Ki skul kiba jop ha ka Dat Moopoin jong ki kynnah shynrang ki long kumne ba wan nyngkong ka Seiñraij H/S School, ba ar ka Govt. Boys H/S School bad ba lai ka Tpep Pape S/S.
Ha ka Dat Moopoin jong ki kynnah kynthei ba wan nyngkong ka Tome Memorial Secondary School, ba ar ka Seiñraij H/S School bad ba lai ka Tpep Pape S/S.
Haka ïatan tyllai (tug of war) jong ki kynnah shynrang ba wan nyngkong ka Jaiñtia H/S School, ba ar ka Seiñraij H/S School bad ba lai ka Q.C Springside H/S School.
Haka ïatan tyllai (tug of war) jong ki kynnah Kynthei ba wan nyngkong la ïoh da ka Seiñraij H/S School, ba ar ka Q.C Springside H/S School bad ba lai ka Tome Memorial Secondary School.
Ïa ki khusnam sha ki nongjop la sam da u u District Sports Officer ka WJHD ma K. Passah, ha ryngkat ka jingdonlang ki nonghikai bad ki nongkitkam ka WJDSA.
