Ka seng Kur Pale mynta ka sngi kala ïoh ban pynlong ïa ka jingïakynduh lang ne ka General Meeting haka shnong Nartiang Moodop West Jaiñtia Hills District, haka juh ka por ka Kur Pale kala ïoh ban pynthymmai ïaki nongkitkam thymmai naka bynta u snem 2024-2027.
Ha kane ka sngi ka kur kala ïoh ban pyndep ïa ki kam bapher bapher jong ka Kur, ha ryngkat ki jingsneng jingkhraw na ki riew Rangbah ka Kur, ïa ka jingïalang la pynïaid da Vice President Yokisingh Pale, la ïoh ruh ka jingduwai haba sdang jong ka jingïalang da u Rev. H.L Pale da kaba pynher ïa ka lama kur da u Dr. Sunday Pale.
Kiwei de kiba ai jingkren ha kane ka sngi ki kynthup ia u Phrangki Pale, u Rev. Hampang Pale, ka kong Philimon Pale, kong Joseph Pale katba ïa ki kyntien ai khublei la ïoh na u Jeming Pale.
Ha kane ka jingïakynduh lang naka liang ka Kur kala ïoh ban pynkup burom ïa ki khun ka Kur kiba synñiang ïa ki kam ba bha, ha kane ka sngi la donlang naduh u Symbud Myntri Rangbah ma S. Dhar kum u kongsan ryngkat u CEM ka JHADC ma Thombor Shiwat.
U ma S. Dhar haba ai jingkren ula kyntu ïa ka Kur Pale ba kin don ka jingïatylli, ka jingïaieit, ula ai ruh ka jingïaroh ruh ïa ka Kur Pale lyngba ki khun jong ka la mih ki Pilot, ki Doctor, ki Engineers bad kumjuh ki samla pule kiba la wan bah shakhmat ha ki kyrdan bapher bapher, ha kane ka sngi la pynshong shit ïa ka jingïalang da ki jingrwai bad ki jingshad na ki khun ka Kur.
Na ka bynta ki nongkitkam ba thymmai ka kur la jied President ïa u ma Elnathan Pale, Vice President ma Yoki singh Pale, General Secretary Dr. Sunday Pale, Asst. General Secretary Jeming Pale, Finance Secretary Lamshwa Pale, Publicity Secretary Seyo Pale, Adviser ma Robert June Pale bad ma Shitlang Pale, katba ki Editor ma Sevenroy Pale bad ma Daohi Pale lem bad ki 20 ngut ki Executive Member kynthup lang ïa ki President bad ki Secretary jong ki Units.
Ki kyrteng kiba shah pynkup burom ki long kumne harum:-
1 . Rechekitbok Pale- Commercial Pilot
2 . Dr. Madisa Pale _ Doctor of pharmacy
3. Miss. Margret Pale _ MSC Zoology _ first class
4 . Miss. Damanlangki Pale _ MBA first class
5. Mr. Tyrshain Pale _MSC Chemistry first class
6. Mr. Micheal Pale _ Indian Army
7. Mr. Vicky Pale_ BSc Agriculture first class
8.Mr Nicky pale_ Bsc Agriculture first class
9. Mr. Arwamede I Pale_ B.Tech first class
10.Mr. Apphira Pale _ Bachelor of Lab Tech _ first class
11. Mr. Maialang I Pale (nongkrem ) BSc Fisheries _ first class
12.Miss. Ronila Pale _ B Pharm first class
13. Miss. Angelisa Pale _ Bsc first class
14. Nichanlang Pale – D. Pharm 88 percentage
15. Miss. Aidahunshisha Pale _ HSSLC 79 percentage
16. Miss. Lucy Pale _ SSLC 82 percentage
17. Soteveny L Pale _ SSLC 75 percentage
La ïoh ruh ban pynkhalai ïa ka Lucky Draw 1st Prize- 08467, 2nd Prize- 03061, 3rd Prize- 06725. Consolation: 01109, 03632, 03708, 04454, 01427.
Ïa ki Memento la synñiang (sponsor) da Ka JHCMA, ha kaba na ka liang ka kur kala pynpaw ka jingai khublei ïa kane ka Association ba kan dang lah ban trei khambah haka imlang ka sahlang ha kine ki sngi ban wan.
